Інтэрактыўныя сродкі навучання. Беларуская мова

З дапамогай гэтага матэрыялу вы пашырыце свае веды пра асобу і творчасць А. Куляшова, даведаецеся пра асаблівасці балады як ліра-эпічнага жанру, удасканаліце свае ўменні вызначаць тэму, ідэю, сімвалы мастацкага твора, асаблівасці яго кампазіцыі, параўнаеце баладу народную з літаратурнай.

З дапамогай гэтага матэрыялу вы пашырыце свае веды пра публіцыстычны стыль і яго асноўныя асаблівасці, функцыі, сферы выкарыстання, характэрныя моўныя сродкі. Навучыцеся выконваць стылістычны аналіз публіцыстычнага тэксту, адрозніваць публіцыстычныя жанры, пісаць рэцэнзію.

Гэты матэрыял пазнаёміць вас з функцыянальнымі стылямі беларускай мовы, функцыянальна-камунікатыўнымі характарыстыкамі, моўнымі асаблівасцямі, кампазіцыйна-структурнай арганізацыяй навуковага тэксту, асаблівасцямі выкарыстання навуковага стылю ў школьнай практыцы. Вы навучыцеся рабіць стылістычны аналіз навуковага тэксту, складаць тэзісны план, пісаць канспект, рэферат.

З дапамогай гэтага матэрыялу вы пазнаёміцеся з гісторыяй, асноўнымі функцыямі і вызначальнымі рысамі дзелавога стылю, мовай і кампазіцыяй дзелавых лістоў, марфалагічнымі і сінтаксічнымі асаблівасцямі афіцыйна-дзелавога стылю, відамі асабістых дакументаў. Навучыцеся правільна пісаць СV, адбіраць інфармацыю для матывацыйнага ліста і абгрунтоўваць выбар аргументаў.

Гэты матэрыял пазнаёміць вас з паняццямі “рэклама” і “рэкламны тэкст”, відамі, асаблівасцямі і задачамі рэкламы, структурай рэкламных тэкстаў. Вы навучыцеся вылучаць і выкарыстоўваць сродкі моўнай маніпуляцыі ў рэкламных тэкстах, паспрабуеце самі напісаць такі тэкст.

Гэты матэрыял пазнаёміць вас з асаблівасцямі інтэрнэту як канала камунікацыі, рознымі спосабамі зносін у інтэрнэце, жанрамі і формамі інтэрнэт-камунікацый, іх моўнымі асаблівасцямі. Вы навучыцеся пісаць электронныя лісты, прытрымліваючыся правіл інтэрнэт-этыкету.

З дапамогай гэтага матэрыялу вы даведаецеся, што такое рыторыка, якія яе функцыі, пазнаёміцеся з моўнымі асаблівасцямі публічнага выступлення, этапамі і спосабамі яго падрыхтоўкі, кампазіцыйнымі прынцыпамі, з вербальнымі і невербальнымі сродкамі зносін, патрабаваннямі да прэзентацыі. Навучыцеся складаць тэзісны план, розныя віды канспектаў, планаваць сваю працу па падрыхтоўцы публічнага выступлення.

Гэты матэрыял пазнаёміць вас з азначэннем, гісторыяй узнікнення і асаблівасцямі жанру эсэ. Вы даведаецеся, што такое эсэ як жанр школьнага сачынення, пазнаёміцеся з кампазіцыяй і стылістычнымі асаблівасцямі школьнага эсэ. Навучыцеся адрозніваць сачыненне-эсэ ад сачынення-разважання, правільна ўжываць цытаты, выкарыстоўваючы атрыманыя веды, напішыце эсэ на прапанаваную тэму.

З дапамогай гэтага матэрыялу вы пазнаёміцеся з асноўнымі этапамі аналізу і інтэрпрэтацыі мастацкага твора, навучыцеся адрозніваць інтэрпрэтацыю ад аналізу, пазнаёміцеся з класічнымі жанрамі лірыкі. Выконваючы заданні, навучыцеся знаходзіць у творы і тлумачыць мастацкую ролю тропаў, сінтаксічных фігур, гукапісу, пазнаёміцеся з прыкладам інтэрпрэтацыі верша. Выкарыстоўваючы набытыя веды, напішыце інтэрпрэтацыю верша С. Грахоўскага “Як я жыў без цябе?..”