Інтэрактыўныя сродкі навучання. Беларуская мова

З дапамогай гэтага матэрыялу вы пашырыце свае веды пра лірыку як род літаратуры, навучыцеся вызначаць асаблівасці лірычных твораў, іх арганізацыю, ролю лексічных і сінтаксічных сродкаў. Даведаецеся пра сімвалізм і імпрэсіянізм у мастацтве і літаратуры, пра ўплыў гэтых напрамкаў на творчасць М. Багдановіча.

Гэты матэрыял дапаможа вам пашырыць свае веды пра асобу і творчасць Я. Купалы, рамантызм як літаратурны напрамак і ўплыў гэтага напрамку на творчасць паэта. Вы пазнаёміцеся з паняццем лірычны суб’ект, на прыкладзе верша Я. Купалы Свайму народу навучыцеся вызначаць праблематыку і тэматыку паэтычнага твора, тлумачыць мастацкі сэнс тропаў.

З дапамогай гэтага матэрыялу вы даведаецеся, чым адрозніваецца эпас ад іншых родаў літаратуры, пазнаёміцеся з асаблівасцямі эпічных жанраў, асобай і творчасцю У. Караткевіча. На прыкладзе апавядання “Паром на бурнай рацэ” навучыцеся вызначаць тэму і ідэю мастацкага твора, элементы сюжэта, характарызаваць герояў, вызначаць ролю мастацкіх сродкаў у стварэнні вобразаў.

Гэты матэрыял пазнаёміць вас з творчасцю М. Гарэцкага ў кантэксце еўрапейскай літаратуры, суб’ектыўным і аб’ектыўным метадамі апавядання. Вы ўдасканаліце ўменне вызначаць тэму і ідэю мастацкага твора, характарызаваць яго герояў, навучыцеся вызначаць моўныя асаблівасці твора, ролю пейзажа ў ім.

З дапамогай гэтага матэрыялу вы пашырыце свае веды пра драму як род літаратуры, пазнаёміцеся з жанравымі асаблівасцямі драматычных твораў, на прыкладзе камедыі Я. Купалы “Паўлінка” пазнаёміцеся з асаблівасцямі іх кампазіцыі, прыёмамі стварэння камічнага ў гэтым творы. Навучыцеся аналізаваць мову герояў твора, вызначаць яго кампазіцыйныя часткі.

З дапамогай гэтага матэрыялу вы пашырыце свае веды пра жыццёвы і творчы шлях В. Дуніна-Марцінкевіча, асаблівасці беларускай літаратуры першай паловы ХІХ ст., даведаецеся аб асаблівасцях стварэння і пастаноўкі драматычных твораў, пазнаёміцеся з п’есай В. Дуніна-Марцінкевіча “Ідылія” і гісторыяй яе пастаноўкі. Навучыцеся вызначаць кампазіцыйныя часткі драматургічнага твора, характаразаваць яго герояў, аналізуючы іх мову.

Гэты матэрыял пазнаёміць вас з сачыненнем-разважаннем як тыпам маўлення, яго кампазіцыяй, моўнымі і стылявымі асаблівасцямі. Вы навучыцеся аналізаваць тэмы сачыненняў такога віду, вылучаць і тлумачыць апорныя словы ў тэме, падбіраць да іх сінонімы.

З дапамогай гэтага матэрыялу вы пашырыце свае веды пра артыкул як жанр публіцыстычнага стылю, даведаецеся пра яго прызначэнне, структуру, віды, пазнаёміцеся з правіламі пабудовы абзаца, выкарыстання аргументаў, планам напісання артыкула. Навучыцеся вылучаць структурныя часткі артыкула, падбіраць аргументы для доказу тэзіса, пісаць артыкул у адпаведнасці з вышэйпералічанымі патрабаваннямі.

З дапамогай гэтага матэрыялу вы пазнаёміцеся з этыкетам ліставання, відамі лістоў, алгарытмам іх напісання, навучыцеся правільна падпісваць канверт, пашырыце свае веды пра тыпы маўлення, даведаецеся пра этапы працы над сачыненнем у жанры пісьма.

З дапамогай гэтага матэрыялу вы пашырыце свае веды пра функцыі і разнавіднасці стыляў мовы, пазнаёміцеся з паняццем публічнае выступленне, асноўнымі ўмовамі выразнасці маўлення, даведаецеся, якой павінна быць кампазіцыя публічнага выступлення, як лепш спланаваць сваю працу па яго падрыхтоўцы, пазнаёміцеся з патрабаваннямі да прэзентацыі публічнага выступлення. Навучыцеся ўжываць мастацкія тропы ў публічным выступленні, складаць яго план.